आता बॅलन्स नसतानाही जनधन खात्यातून काढता येतील 10 हजार रुपये, याचा फायदा कसा मिळेल जाणून घ्या
नवी दिल्ली : सहसा, बँकेच्या बचत खात्यामध्ये, खातेदाराला दरमहा सरासरी मिनिमम बॅलन्स न ठेवल्याबद्दल दंड भरावा लागतो. बँकेच्या सॅलरी अकाउंटसाठी हे बंधनकारक नाही.
मात्र, यासोबतच अशी काही खाती आहेत जिथे मिनिमम बॅलन्स ठेवण्याची गरज नसते. प्रधानमंत्री जन धन योजना (PMJDY- Pradhanmantri Jan Dhan Yojna) हे देखील अशाच खात्यांपैकी एक आहे.
याशिवाय जन धन योजना खात्यात अनेक सुविधाही उपलब्ध आहेत. केंद्र सरकार प्रधानमंत्री जन धन योजना (PMJDY) अंतर्गत झिरो बॅलन्स सेव्हिंग अकाउंट उघडते. यामध्ये ऍक्सिडेंटल इन्शुरन्स, ओव्हरड्राफ्टची सुविधा, चेकबुकसह इतर अनेक फायदेही मिळतात.
10 हजार रुपये कसे मिळवायचे ते जाणून घ्या
जन धन योजनेंतर्गत, तुमच्या खात्यात बॅलन्स नसला तरीही, 10,000 रुपयांपर्यंतच्या ओव्हरड्राफ्टची सुविधा उपलब्ध असेल. ही सुविधा शॉर्ट टर्म लोनसारखी आहे. पूर्वी ही रक्कम 5 हजार रुपये होती. सरकारने ती आता 10 हजारांपर्यंत वाढवली आहे.
असा नियम आहे
या खात्यातील ओव्हरड्राफ्ट सुविधेसाठी जास्तीत जास्त वयोमर्यादा 65 वर्षे आहे. ओव्हरड्राफ्ट सुविधेचा लाभ घेण्यासाठी तुमचे जन धन खाते किमान 6 महिने जुने असावे. नसल्यास, फक्त 2,000 रुपयांपर्यंतचा ओव्हरड्राफ्ट उपलब्ध असेल.
जन धन खाते म्हणजे काय?
प्रधानमंत्री जन धन योजना (PMJDY) हा सर्वात महत्वाकांक्षी आर्थिक कार्यक्रम आहे जो बँकिंग/सेव्हिंग्स आणि डिपॉझिट्स अकाउंट, पैसे पाठवणे, कर्ज, इन्शुरन्स, पेन्शनमध्ये प्रवेश सुनिश्चित करतो. हे खाते कोणत्याही बँकेच्या शाखेत किंवा व्यवसाय प्रतिनिधी (बँक मित्र) आउटलेटवर उघडले जाऊ शकते. PMJDY अकाउंट झिरो बॅलन्स ठेवून उघडली जात आहेत.
खाते कसे उघडायचे?
प्रधानमंत्री जन धन योजनेअंतर्गत सार्वजनिक क्षेत्रातील बँकांमध्ये जास्त खाते उघडले जाते. मात्र, जर तुम्हाला हवे असेल तर तुम्ही तुमचे जन धन खाते खाजगी बँकेत देखील उघडू शकता. तुमचे दुसरे बचत खाते असल्यास तुम्ही ते जन धन खात्यातही बदलू शकता. भारतात राहणारा कोणताही नागरिक, ज्याचे वय 10 वर्षे किंवा त्याहून जास्त आहे, तो जन धन खाते उघडू शकतो.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
