आयर्विन पुलाला केंद्रीय पथकाची भेट: मनपाआयुक्त नितीन कापडणीस यांनी दिली तत्कालीन परिस्थितीची माहिती
सांगली: पूर व भूस्खलनामुळे झालेल्या नुकसानीच्या पाहणी आज केंद्रीय पथकाने केली. यावेळी पथकाने सांगलीतील आयर्विन पुलावर जाऊन माहिती घेतली. महापालिका आयुक्त नितीन कापडणीस यांनी पथकाला पूर स्थितीचा आणि नुकसानीची माहिती दिली. जिल्हाधिकारी अभिजित चौधरी यावेळी उपस्थित होते.
जुलै महिन्यात आलेल्या महापुरानंतर झालेल्या नुकसानीची आणि भुसखलनाची माहिती घेण्यासाठी केंद्रीय पथक आज सांगलीत दाखल झाले. पहिल्यांदा जिल्हाधिकारी कार्यालयात अधिकाऱ्याकडून आढावा घेतल्यानंतर केंद्रीय पथकाच्या सदस्यांनी सांगलीतील आयर्विन पुलावर जाऊन माहिती घेतली. यावेळी जिल्हाधिकारी डॉ अभिजित चौधरी सोबत होते. यावेळी आयर्विन पुलावर महापालिकेच्या वतीने मनपा आयुक्त नितीन कापडणीस यांनी संपूर्ण परिस्थितीची नकाशाद्वारे पथकाला माहिती दिली. तसेच महापुरात आयर्विन पूल आणि आजूबाजूला पाण्याची काय स्थिती होती याची माहिती पथकातील सर्व सदस्यांना दिली. यावेळी मनपाचे उपअभियंता वैभव वाघमारे आणि महेश मदने उपस्थित होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
