आरबीआयची 'ही' नवी योजना ठरेल नोकरदारांसाठी उपयुक्त
रिझर्व्ह बँक ऑफ इंडियाने या महिन्यापासून देशात एक महत्त्वाचा बदल केला आहे, ज्याचा नोकरदारांना मोठा फायदा होईल. १ ऑगस्टपासून नॅशनल ऑटोमेटेड क्लिअरिंग हाऊस (NACH) ची सुविधा दररोज उपलब्ध आहे. तर पूर्वी ही सेवा फक्त बँकांच्या सर्व कामकाजाच्या दिवशी उपलब्ध होती.
NACH म्हणजे काय?
ही इलेक्ट्रॉनिक क्लिअरिंग सिस्टीम ची प्रगत आवृत्ती आहे. NACH ही अशी बँकिंग सुविधा आहे, ज्याद्वारे कंपन्या आणि सामान्य माणूस प्रत्येक महिन्याचे महत्त्वाचे व्यवहार सहजपणे करू शकतात. NACH सेवा नॅशनल पेमेंट्स कॉर्पोरेशन ऑफ इंडिया द्वारे चालवली जाते. आरबीआय गव्हर्नरांनी माहिती दिली की राष्ट्रीय स्वयंचलित क्लिअरिंग हाऊस डीबीटीचे लोकप्रिय आणि प्रमुख माध्यम म्हणून उदयास आले आहे. यामुळे लाभार्थ्यांना मोठ्या प्रमाणात सरकारी अनुदान हस्तांतरित करण्यात मदत झाली आहे.
सुट्टीच्या दिवशीही चेक होईल क्लिअर
या अंतर्गत, आता सुट्टीच्या दिवशीही चेक क्लिअर केला जाईल. मात्र लोकांनीही आता सावध राहण्याची गरज आहे. कारण आता शनिवारी दिलेला चेक रविवारी देखील क्लिअर केला जाऊ शकतो. म्हणजेच, चेकच्या क्लिअरन्ससाठी तुम्हाला तुमच्या खात्यात नेहमी शिल्लक ठेवावे लागेल, अन्यथा चेक बाउन्स झाल्यास दंड आकारला जाऊ शकतो. पूर्वी, धनादेश देताना सुट्टीनंतरच चेक क्लिअर होत असे. पण आता सुट्टीच्या दिवशीही चेक क्लिअर होईल.
बँकेला सुट्टी असली तरी खात्यातून ईएमआय होणार कट
24 तास उपलब्ध असलेल्या सुविधेमुळे, बँकेला सुट्टी असली तरीही तुमचा EMI तुमच्या बँक खात्यातून कापला जाईल. म्युच्युअल फंड, लोन ईएमआय, टेलिफोनसह सर्व बिले आता बँक सुट्ट्यांमध्येही भरली जातील.
सुट्टीच्या दिवशीही होईल पगार
सध्या, बहुतेक कंपन्या त्यांच्या कर्मचाऱ्यांच्या खात्यात पगार जमा करण्यासाठी नॅशनल ऑटोमेटेड क्लिअरिंग हाऊस वापरतात, ज्यामुळे बँकेच्या सुट्टीच्या दिवशी तुमच्या खात्यात वेतन जमा होत नाही. पण आता ही सुविधा दिवसाचे २४ तास उपलब्ध असल्याने सुट्टीच्या दिवशीही तुमच्या खात्यात पैसे जमा होतील.
मोठ्या प्रमाणावर व्यवहार NACH द्वारे केले जातात. याद्वारे वेतन, भागधारकांना लाभांश, व्याज आणि निवृत्तीवेतन हस्तांतरणासारखे पैसे दिले जातात. याशिवाय वीज, दूरध्वनी आणि पाण्याची बिलेही नॅशनल ऑटोमेटेड क्लिअरिंग हाऊसद्वारे भरली जातात. सहसा याद्वारे मोठ्या प्रमाणात देयके दिली जातात.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
