मंत्रालयाच्या उपहारगृह परिसरात आढळल्या दारुच्या बाटल्या
मंत्रालयातुन एक धक्कादायक बाब समोर आल्यामुळे एकच खळबळ उडाली आहे. मंत्रालयातील उपहारगृह परिसरामध्ये मोठ्या प्रमाणात दारूच्या खाली बाटल्यांचा खच समोर आला आहे. मंत्रालयात राजपत्रित अधिकाऱ्यांच्या उपहारगृहाच्या खालील बाजूस हे एक रुम आहे. तिथे हे धक्कादायक चित्र आढळून आले.
मंत्रालयातील उपहारगृह शेजारी दारूच्या बाटल्यांचा खच दिसून आला. प्रसार माध्यमांनी यासंदर्भात बातमी दाखवल्यानंतर लगेचच स्वच्छता कर्मचाऱ्यांनी तिथे पोचून दारूचा खच उचलायला सुरुवात केली. आजवर मंत्रालयात राज्याच्या कानाकोपऱ्यातून लोक आपले प्रश्न घेऊन येतात.
मात्र मंत्रालयात सहज प्रवेश मिळत नाही. त्यानंतरच आत प्रवेश दिला जातो. मग मंत्रालयाच्या उपहारगृहाच्या परिसरामध्ये दारुच्या बाटल्या कशा पोहोचल्या? असा प्रश्न विचारला जातोय. दोन दिवसांपूर्वी गटारी अमावस्या सुद्धा होती. या प्रकरणाची पुढे चौकशी होणार किंवा कसे? ते अद्याप स्पष्ट झालेले नाही.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
